Free Web Hosting Provider - Web Hosting - E-commerce - High Speed Internet - Free Web Page

بيني وبينكم في السنوات الاخيره صار الطرب للي يسوى واللي مايسوى. تخيلوا ان الفيديو كليب ماصار يكلف اكثر من خمسه وعشرين الف ريال . اتوقع ان مبلغ بسيط زي هذا سهل الحصول عليه وخاصه اذا كان بالامكان انه يسوي من اي شخص .مطرب . للاخوه الراغبين واللي يستهويهم الفن كل ماعليكم عمله هو ابد انكم تبيعوا الكرسيدات حقتكم وتسافروا لاي دوله خليجيه او عربيه حيث تجدون الابواب مفتوحه للجميع . البنات يابلاش ومن طيبتهم بعضهن مستعدات يطلعن بالفيديو وبلاش .. اهم شي عندهم ان الواحده تنتص .
بالنسبه للمناظر الطبيعيه لاتشيل هم الايام هذي ماصارت مشكله. ربعنا صاروا يصورون في كل مكان ، طعوس، نزلات، خرابات، وخالد عبدالرحمن قبل فتره مصور فيديو كليب في نفق .. اللهم لاشماته

الكلمات عاد لاتخليها اكبر همك . ،فديت الكشره والفره، تصلح بدايه ،بيت شعر، زيد بس عليها ،ملحق، وحاول إنك ،تتأمرك، شوي وخلي القوافي مطنطنه. مايحتاج بعد إنك تدور ،جو شاعري، ابد قصد وانت في سرى التميس او وانت واقف باشارات المرور بدل ماتقعد تقز بنات الناس ومنها تضيع بعض الوقت اللي مانحس فيه إلا باشارت المرور

اللحن بعد ماصار مشكله زي ايام زمان. ووصفه الحصول على لحن جيد سهله وكل اللي عليك تسويه هو انك تخلي العود بشنطه السياره وانتظر اقرب طلعه للشباب ونزل العود. اوعدك انك راح تشوف فضول غير طبيعي. عاد بس دغدغ الاوتار يمين ويسار حتى ينقز واحد من الشباب في حلقك ويطلب العود ويكون هو وقتها ورط . في نهايه الطلعه راح تكتشف إن فيه واحد من الشباب اللي بالطلعه يعرف ،يدق،العود او خلنا نقول يعرف يشيل العود .. ابد اتصل فيه اليوم الثاني وسوي منه ملحن

بما انه صار عندك مناظر،بنات،كلمات،لحن،و فيديو كليب الآن بإمكانك تبدأ النهيــــــــــــق